車路士周六(16日)喺英足盃決賽輸波，下季好可能無緣歐洲賽事，跌落谷底嘅「藍月亮」即時展開重啟計劃。多個權威媒體爆料，車路士成功聘請西班牙名帥沙比阿朗素執教，雙方簽署4年合約，預計日內會正式官宣。

車路士今季立立亂，馬利斯卡1月被炒魷，接替嘅羅仙尼亞亦喺上月「落鑊」，周六英足盃決定喺看守領隊麥法蘭領軍下，0比1輸畀曼城，依家聯賽排第9嘅車路士，下季好大機會冇份踢歐洲賽。車路士迅速展開重建，並決定將鎖匙交畀沙比阿朗素。

轉會權威羅曼諾同多間媒體爆料，車路士成功游說沙比阿朗素執教，4年合約由7月1日展開，不過沙比阿朗素會即時開工，消息指車路士高層同意「放權」畀佢負責買賣球員，所以呢位44歲教頭個職銜會係「領隊」，而非「主教練」。

報道指車路士希望未來方向，係建立一支「控球型」主攻球隊，而教過利華古遜、皇家馬德里嘅沙比阿朗素就係最合適人選。沙比阿朗素近2年一直被傳係利物浦心儀主帥，估唔到最後被車路士截足先登。

足球博彩神器，每日重心提供盡在《彩報》：http://win.on.cc/football/